Ինչպես գործել հեռախոսի պատյան / How to knit a phone cover

Հոկտեմբերի 17-ին` ժամը 15-ին, Էօնում «Հարթակ» փառատոնի շրջանակներում տեղի կունենա «Ինչպես գործել հեռախոսի պատյան» դասընթացը, որը կվարի Ֆլորենս Լոուն:
Դասընթացի ժամանակ կսովորեցնենք գործելու հիմնական տեսակը, որը կօգնի Ձեզ դասընթացի մյուս փուլում գործել հեռախոսի նորաձև ու գունավոր պատյան: Դասընթացը սկսնակների համար է:
Մուտքը՝ 1500 դրամ:
Ֆլորենս Լոուն բրիտանահայ կամավորական է, որը ծնվել և մեծացել է Լոնդոնում: Նոթինգեմի քոլեջում հին լեզուներ և գրականություն ուսանելուց հետո նա տենչում էր փախուստ գտնել Լոնդոնի հեկտիկ կյանքից` փորձելով բացահայտել նորը, ասենք` իր հայկական արմատները: Այսպիսով, նա 10 ամսով տեղափոխվեց Հայաստան, որտեղ բազմաթիվ արկածներ ունեցավ, սկսած որմնանկարներ անելուց մինչև փողոցի փիսիկներին փրկելը, սահմանամերձ շրջաններ այցելելուց մինչև երևանաբնակներին գործել սովորեցնելը: Միացյալ Թագավորությունում աղջկա համար շատ կարևոր է գործել իմանալը, և վերջերս գործելու խմբակները բավականին տարածված են դարձել: Լոուն իր դպրոցում էլ էր խմբակ բացել, իսկ այժմ այդ հրաշալի մշակույթը բերում է Հայաստան: