Լավ օր է ձկնիկ-բանանիկի համար
Այս պատմությունը պոետ և բուդդայական Սեյմուրի մասին է, որը մեծ ազդեցություն ունի իր քույրերի և եղբայրների վրա, հատկապես Բադիի և Ֆրանիի: Սեյմուրն անզոր է ապրել կեղծիքի այս աշխարհում: Նրա անկեղծությունը ոմանց խելագարություն է թվում: Պատմությունը բաղկացած է երեք մասից (Բադի, Ֆրանի, Սեյմուր) և երկու սյուժետային գծից, որոնք զարգանում են առանձին-առանձին: Առաջին գիծը պատմում է ծեր Բադիի մասին, որը գրող է և Սեյմուրի մասին գիրք է գրում: Նա մենակ է ապրում: Սեյմուրի ուրվականն ամենուր հետապնդում է նրան, և ամեն անգամ նրան տեսնելիս Բադին խոսում է պոեզիայից և ինքնասպանությունից: Ֆիլմում Բադին պատմողն է, և այս երեք պատմությունները նրա գրքի մասերն են: Երկրորդ սյուժետային գիծը Սեյմուրի մասին է: Գործողությունը տեղի է ունենում բեմում, որտեղ Սեյմուրը հանդիպում է իր երիտասարդ պապին՝ ծաղրածու Զոզոյին: Նա Զոզոյի հետ խոսում է իր կյանքի, ընտանիքի և Միրայի մասին: Վերջում պարզվում է, որ Զոզոն ոչ թե նրա պապն է, այլ երկորդ ես-ը, որը պատմում է ամբողջ ճշմարտությունը Սեյմուրի մասին: