Մարկ Նշանեան. «Պատկեր Ա և Բ»: Նիրիի հիշատակին

Սիրով հրավիրում ենք Մարկ Նշանեանի բանախոսությանը «Պատկեր Ա և Բ» նվիրված արվեստաբան, կուրատոր Նիրի Մելքոնեանի հիշատակին,
Լոֆթ ակումբում(Մոսկովյան 3) նոյեմբերի 3-ին (հինգշաբթի) ժամը 7-ին
Ինքնագիր գրական ակումբ
Լոֆթ ակումբ

Պիտի խօսուի «պատկեր»ի մասին, անգամ մը եւս։ Այսինքն՝ արուեստի՞ մասին։ Այո՛ եւ ո՛չ։ Ամբողջ հարցը այդտեղ է։ Պատկերը ինչպէ՞ս կը դառնայ արուեստ։ Ինչպէ՞ս կը մտնէ թանգարան, կ՚ուզեմ ըսել՝ տեսանելիութեան իրական կամ փոխաբերական թանգարանը։ Առաջ կարծէք՝ գիտէինք թէ ի՛նչ է արուեստը։ Հիմա պէտք ունինք կրկին ու կրկին հարց տալու թէ ի՛նչ է արուեստը, եթէ պատկերը պէտք ունի միջնորդի մը դառնալու համար արուեստ։ Միջնորդը խնամալն է։ Այս երեկոն նուիրուած է Նիրի Մելքոնեանին, որ Սփիւռքի արուեստագէնտներուն յիշողութիւնն էր, արխիւապահն էր, կամ կ՚ուզէր ըլլալ։ Իր հետքերուն վրայ՝ արուեստին վերաբերող երկնտրանքը կ՚ուզենք հնչեցնել, հարցնելով՝ ի՞նչ արուեստ Սփիւռքի մէջ։ Հարցումը անշուշտ կը վերաբերի նոյնքան եւ աւելի՝ Հայաստանի արուեստագէտներուն։ Որովհետեւ մէկ քայլ ետ երթալով՝ կը թարգմանուի սապէս. պատկերը ինչպէ՞ս կը հասնի տեսանելիութեան։ Տարօրինակ հարցում, այնպէս չէ՞։ Պատկերը տեսանելին չէ՞, ըստ էութեան։ Յետոյ պատկերը որպէս ի՞նչ։ Պատկերը որպէս աղէտի մը ցուցանի՞շը։ Պատկերը որպէս արխի՞ւ։ Պատկերը որպէս նշխա՞ր։ Պատկերը որպէս կեղծո՞ւմ։ Որպէս վկայութի՞ւն։ Որպէս վերապրողին վկայութի՞ւնը։ Եւ քանի որ այս հարցերն ու հարցումները շօշափուած են Պատկեր, պատում, պատմութիւն երկհատոր աշխատանքիս մէջ, առիթէն պիտի օգտուիմ նոր լոյս տեսնելիք երկրորդ հատորս ներկայացնելու համար։
Մարկ Նշանեան