«Պեպո»
Հունվարի 25-ին՝ ժամը 19:00-ին, «Նարեկացի» արվեստի միության և Հայաստանի ազգային կինոկենտրոնի համագործակցությամբ ստեղծված նոր «Հայկական կինոյի էջերից» միասնական ծրագրի սահմաններում ՆԱՄ-ում կցուցադրվի առաջին հայկական հնչյունային ֆիլմը՝ Համո Բեկնազարյանի «Պեպո» կինոնկարը:
Ֆիլմի ցուցադրությունից հետո կինոմասնագետների կողմից կծավալվի զրույց-քննարկում, որի միջոցով ներկաները կծանոթանան «Պեպո» կինոնկարի մասին պատմող նոր և հետաքրքիր բացահայտումներին:
Հայաստանի ազգային կինոկենտրոնը 1923 թվականի ապրիլին ստեղծված և իր ու հայկական կինոյի հիմնադիրներից մեկի` Համո Բեկնազարյանի անունով վերանվանված «Հայֆիլմ» կինոստուդիայի իրավահաջորդն է:
Մուտքն ազատ է: