«Սասնա Ծռեր»
Մարտի 1-ին՝ ժամը 19:00-ին, «Նարեկացի» արվեստի միությունում կցուցադրվի կինոռեժիսոր, սցենարիստ, ՀԽՍՀ արվեստի վաստակավոր գործիչ Արման Մանարյանի «Սասնա Ծռեր» (Սասունցի Դավիթ) առաջին հայկական լիամետրաժ մուլտֆիլմը:
Արման Մանարյանը «Սասնա ծռեր» էպոսի «Սասունցի Դավիթ» ճյուղի անիմացիոն ֆիլմի ռեժիսորն է։
Արման Մանարյանը սովորել է Երևանի Ռոմանոս Մելիքյանի անվան երաժշտական ուսումնարանում, ապա ուսումը շարունակել է Երևանի պետական կոնսերվատորիայում։
Այնուհետև սովորել է Մոսկվայի Գերասիմովի անվան կինեմատոգրաֆիայի համառուսական պետական ինստիտուտում (ՎԳԻԿ), որի ռեժիսորական բաժինն ավարտելուց հետո նվիրվել է կինոֆիլմերի նկարահանման գործին։
1961 թվականին նկարահանել է «Տժվժիկ» կարճամետրաժ ֆիլմը, իսկ դրանից հետո «Կարինե» (1967), «Հեղնար աղբյուր» (1970), «Վերադարձ» (1972), «Մորգանի խնամին», «Բյուրականի աստղադիտարանը» (1965) և այլ կինոնկարներ։
Մուտքն ազատ է: