Մասնագիտական աճի դպրոցի ընդունելության վերջնաժամկետ
«Մասնագիտական աճի դպրոց» ծրագրի շրջանակներում Երիտասարդ առաջնորդների դպրոցի 20-րդ և 21-րդ սերունդների միացյալ թիմը հայտարարում է ընդունելություն։
Ծրագիրը մեկամսյա դասընթաց է, որի նպատակն է երիտասարդների մասնագիտական աճի խթանումը, աշխատանքային գործունեություն սկսելու և գործարար միջավայրում կողմորոշվելու հմտությունների զարգացումը։
Դասընթացը վարելու են Հայաստանի առաջատար ընկերությունների մասնագետները, ովքեր կկիսվեն իրենց փորձառությամբ և արդիական, կիրառելի գիտելիքներ կփոխանցեն հետևյալ թեմաների շրջանակներում.
1. Արդյունավետ հաղորդակցման հմտություններ. խոսքային և ոչ խոսքային հաղորդակցում
2. Բանակցային հմտություններ
3. Մրցունակ ինքնակենսագրական, մոտիվացիոն նամակ, հարցազրույց
4. Գործարար էթիկա և հաղորդակցություն
5. ՀՀ աշխատանքային օրենսգիրք, աշխատանքային պայմանագիր։
Դասընթացը լինելու է անվճար, տևողությունը՝ 1 ամիս (ս․թ․մարտի 25-ից մինչև ապրիլի 25-ը)։
Դասընթացին կարող են դիմել Բուհ-երի բակալավրիատի ավարտական կուրսում և մագիստրատուրայում սովորող բոլոր հետաքրքրվող ուսանողները։ Դասընթացի ավարտին մասնակիցներին կտրվեն վկայականներ, իսկ լավագույն ուսանողները հնարավորություն կունենան իրենց մասնագիտական պրակտիկան անցկացնել Հայաստանի առաջատար կազմակերպություններում:
Հայտադիմումներն ընդունվում են մինչև փետրվարի 25-ը ներառյալ:
Հարցերի դեպքում կարող եք զանգահարել մեզ: