Բարեգործական տոնավաճառ` նվիրված Ամանորին և Սուրբ ծննդին

Հայաստանի երիտասարդ կանանց ասոցիացիան կազմակերպում է արդեն ավանդական դարձած բարեգործական տոնավաճառը` նվիրված Ամանորին և Սուրբ ծննդին:
Բարեգործական տոնավաճառը կգործի ս.թ. դեկտեմբերի 13-ին և 14-ին, ժամը 11:00- ից մինչև 18.00- ն: Տոնավաճառին մասնակցելու համար հրավիրվել են ՀՀ տարբեր մարզեր ներկայացնող կին արտադրողներ, ինչպես նաև միջազգային և տեղական կազմակերպություններ: Տոնավաճառի ընթացքում կազմակերպվելու է նաև վիճակահանություն. խաղարկվելու են տարբեր նվերներ: Բարեգործական տոնավաճառից ստացված ողջ հասույթը կտրամադրվի ՀՀ մարզերում կանանց տնտեսական մասնակցության խթանման նպատակով իրագործվող ծրագրերին: