Պարաֆինի ծածկոցի և թուրքական քարով ականջողի միջև

Մայիսի 21- ին` ժամը 19:00- ին, Գաֆէսճեան արվեստի կենտրոնը «Սահակ Պողոսյան. մեծ մորս աչքերի լռությունը» ցուցադրության շրջանակներում ներկայացնում է «Հանդիպում արվեստի հետ» շարքի հերթական միջոցառումը:
Միջոցառման ընթացքում կկայանա զրույց- քննարկում «Պարաֆինի ծածկոցի և թուրքական քարով ականջողի միջև. Հիշողության ռազմավարությունը Սահակ Պողոսյանի Մեծ մորս աչքերի լռությունը նախագծում» ծավալուն խորագրի ներքո:
Ինչպես են նյութը և միջոցը միջամտում, ազդում, հիմա նաև պարզապես կառուցում հիշողության տեսարանը արվեստում։ Նախագծի հեղինակ Սահակ Պողոսյանը, մշակութային քննադատ և տեսաբան Հրաչ Բայադյանը և ցուցահանդեսի համադրող, արվեստի քննադատ Նազարեթ Կարոյանը՝ հիմնվելով Մեծ մորս աչքերի լռությունը ցուցահանդեսային նախագծի վրա կխոսեն արվեստի նյութի, պատմական հիշողության և դրա պատկերացման խնդիրների շուրջ։
Միջոցառման մուտքն անվճար է, նախնական գրանցմամբ: