«Երգիչների միջազգային ասոցիացիան» ներկայացնում է վոկալ համերգ

Հուլիսի 31-ին` ժամը 19:00-ին, Նարեկացի Արվեստի Միությունը, «Երգիչների միջազգային ասոցիացիա»-ի հետ համատեղ, հրավիրում է ներկա գտնվելու հրաշագեղ երաժշտական երեկոյի` «Վոկալ համերգ»-ի, որը կընթանա «Երգիչների միջազգային ասոցիացիա»-ի սաների մասնակցությամբ:
Նարեկացի Արվեստի Միության բեմահարթակից կհնչեն վոկալ արվեստի վարպետաց դասի ընթացքում ներկայացված ու ընտրված լավագույն գործերը:
Վոկալ արվեստի վարպետաց դասը, ինչպես և սպասվելիք Գալա համերգը կայանալու է «Երգիչների միջազգային ասոցիացիա»-ի, ԱՄՆ-ի մասնաճուղի ղեկավար, ԱՄՆ-ի Ազգային երգչախմբի խմբավար, մանկավարժ, պրոֆեսոր Վաղարշակ Օհանյանի շնորհիվ:
Մաեստրոն դասավանդել ու հանդես է եկել իբրև կատարող Նյու-Յորք Սիթի օպերայի ազգային երգչախմբում, Լինկոլն կենտրոնի ամերիկյան սիմֆոնիկ, ինչպես նաև Boston և Ռոդ- Այլընդ նվագախմբերում: Պրոֆեսոր Օհանյանը վերջերս պարգևատրվել է «Գրիգոր Նարեկացի» հուշամեդալով` արվեստում կատարած զգալի աշխատանքի համար:
Սիրով սպասում ենք բոլորիդ: Մուտքն ազատ է: