Քաղաքից դուրս՝ քաղաքի ներսում

Հոգնե՞լ եք քաղաքի աղմուկից, բայց ժամանակ կամ հնարավորություն չունե՞ք կազմակերպել լիարժեք հանգիստ քաղաքից դուրս, հոգ չէ: Առաջարկում ենք կազմակերպել այն հենց քաղաքի սրտում` «Լոֆթ»-ի բացօթյա գողտրիկ հատվածում: Երեկոն անցնելու է խարույկի շուրջ, համտեսելու ենք կրակի վրա` սեփական ձեռքերով պատրաստած նրբերշիկներ, կարտոֆիլ` ածուխի մեջ, լսելու ենք լավ երաժշտություն, նվագելու կիթառ, երգելու ենք սիրելի երգեր, ծանոթանալու ենք նոր և հետաքրքիր մարդկանց հետ. մի խոսքով` ստեղծելու ենք յուրահատուկ միջավայր համատեղ ուժերով:
Այնպես որ, օգոստոսի 8-ին՝ 20:00-ին, շալակիր կիթառդ, տաք ծածկոցդ (плед), բարձր տրամադրությունդ, բռնիր սիրելի ընկերոջ ձեռքը և համեցիր Մոսկովյան 3:
Մուտքավճարը` 2000 դրամ: