Փնտրվում է տղամարդ
Բեմադրող ռեժիսոր՝
Լուսինե Երնջակյան
Դերերում՝
Լուիզա Ներսիսյան,
Արշալույս Հարությունյան
Այս հոգեբանական դրաման սիրո որոնման պատմություն է։ Թեպետ անվերադարձ անցել են սիրո և ռոմանտիկայի ժամանակները, բայց հերոսներն անվերջ որոնումների մեջ են։
Հուզիչ ու զվարճալի Բեատրիսն իր լքված դղյակում, իր հորինած հեքիաթում առանց հուսահատվելու խաղում է չապրած զգացմունքները, իսկ սկզբունքային ու ծայրահեղ ժանն անզուսպ համառությամբ պաշտպանում իր միանձնությունն ու բացարձակ ազատությունը։ Միևնույն ժամանակ երկուսն էլ պատկերացում չունեն ճշմարիտ սիրո մասին։
Այստեղ տղամարդու և կնոջ բախումները հասնում են իսկական աբսուրդի և բարի ավարտին փոխարինում է կրկին փնտրելու, կրկին գտնելու դաժան փորձությունը... Եվ այդպես շարունակ, քանի դեռ կյանքն է շարունակվում...
Տոմսերի արժեքը` 1000, 1500, 2000, 2500, 3000, 4000 դրամ