ՌեԱնիմանիա | ReAnimania

Հոկտեմբերի 28-ին Երևանում կմեկնարկի 7-րդ «ՌեԱնիմանիա» Երևանի միջազգային անիմացիոն կինոյի և պատկերապատման արվեստի փառատոնը։ Այս տարի փառատոնին մասնակցության համար ընտրվել են 184 անիմացիոն ֆիլմեր, որոնք կմասնակցեն 5 մրցութային ծրագրի՝ «Լավագույն լիամետրաժ ֆիլմ», «Լավագույն կարճամետրաժ ֆիլմ», «Լավագույն երաժշտական հոլովակ», «Լավագույն հեռուստատեսային և ուսուցողական ֆիլմ» և «Լավագույն ավարտական ֆիլմ»։
Հայոց ցեղասպանության 100-րդ տարելիցի կապակցությամբ «ՌեԱնիմանիա» փառատոնի շրջանակում «Վերածնունդ» խորագրի ներքո կցուցադրվեն ոչ մրցութային ֆիլմեր, ինչպես նաև կներկայացվեն վավերագրական և էքսպերիմենտալ ֆիլմերի ծրագրերը և պատկերապատումների ցուցահանդեսը (Bande dessinée)։
Հոկտեմբերի 29-ին` ժամը 15:00-ին Նարեկացի Արվեստի Միության հյուրընկալ հարկի տակ կցուցադրվեն «Վերածնունդ» անիմացիոն ֆիլմերի ծրագրին ներկայացված 7 ֆիլմեր.
1. «Բիթլիս», 2008թ., Հայաստան 00:10:08, Յուբիկ Մուրադյան
2. «Շնապատում» Ֆրանսիա, 2010թ, 15 րոպե, Սերժ Ավետիքյան
3. «Ավրորա» Հայաստան, 2014թ, 00:12:27, Վրեժ Քասունի
4. «Ջազ կոտորածի համար» Իտալիա, 2014թ, 0:15:20, Լեոնարդո Կառանո
5. «Հայկական թղթեր» Բելգիա, 2015թ, 0:06:33, Օրնելլա Մաչիա
6. «Հայոց Ցեղասպանություն. 100 տարի» Արգենտինա, 2015թ, 03:36 Պաբլո Գոստանյան
7. «Անծանոթների բարությունը» Հայաստան, 2015թ, 3:28 Yelling Studio
Մուտքն ազատ է: