Էդգար Հարությունյանի անհատական երկրորդ ցուցահանդեսը՝ «Դուք լավն եք, մարդի՛կ»

Նոյեմբերի 28-ին` ժամը 16:00-ին «Հայ-արտ» մշակութային կենտրոնում տեղի կունենա Էդգար Հարությունյանի երկրորդ՝ «Դուք լավն եք, մարդի՛կ» խորագրով անհատական ցուցահանդեսի բացումը: Խորագրի համար հիմք է հանդիսացել Հ, Սահյանի նույնանուն բանաստեղծությունը: Ինչպես խորագրից կարելի է ենթադրել, այս անգամ նա ներկայացնելու է միայն մարդկանց լուսանկարներ: Ցուցահանդեսի մի մասը նվիրված է լինելու ընդդեմ հոսանքի գնի բարձրացման ծավալված պայքարին, մյուս մասը կամփոփի տարբեր տարիների ճամփորդությունների ժամանակ իրեն հանդիպած մարդկանց լուսանկարները (գյուղացի տատիկ, պապիկ, երեխա), իսկ մյուս մասը կունենա սոցիալական ուղղվածություն:
Մուտքն ազատ է:
Բացման օրը ցուցահանդեսը կտևի մինչև 19:00, իսկ ովքեր բացմանը ներկա չեն կարող գտնվել, կարող են մինչև նոյեմբերի 30-ը այցելել կենտրոն` 11:00-ից 17:00-ը:
Հասցեն՝ Մաշտոցի պող. 7ա: