Կիթառն ու բարությունը հանդիպել են Loft-ում

Դեկտեմբերի 8-ին՝ 20:30-ին, #LOFT-ում սպասվում է ակուստիկ համերգային երեկո:
Մի խումբ տաղանդավոր ու սիրված երաժիշտներ չկարողացան անտարբեր անցնել «LOFT-ն առանց տորթ» բարեգործական նախաձեռնության կողքով: Եվ մի կողմ դնելով բոլոր ծրագրերն ու գործերը՝ պատրաստակամություն հայտնեցին ելույթ ունենալ բարեգործական համերգի շրջանակներում: Մեզ միացել են՝
- Գոռն ու Տաթևը
- Ելենա Երևանը
- Դետք խումբը
- Արմեն Շահվերդյանը (The Beautified Project)
Եթե ցանկանում ես ականատես լինել կիթառի ու բարության հանդիպմանը, համեցիր Մոսկովյան 3: Մուտքը միայն բարեգործների համար՝ 2000 դրամ:
Հիշեցնենք, որ դեկտեմբերի 8-ին LOFT-ի տարեդարձն է, որն ամբողջությամբ բարեգործական բնույթ է կրում և իրականացվում է «Լոֆթն առանց տորթ» խորագրի ներքո: Տվյալ համերգի ողջ հասույթն ուղղվելու է 7-ամյա Ռոզա Ավանեսյանի բուժմանը, ում մոտ ախտորոշվել է գլխուղեղի ուռուցք: