Փորձի փոխանակում և "Mysticus" ֆոտոցուցահանդեսի բացում

Դեկտեմբերի 8-ին՝ 15:00-ին, հայտնի լուսանկարիչ Arvin Kocharian-ը #LOFT-ում կկիսվի լուսանկարչության ոլորտում ձեռք բերած իր փորձով:
Սեմինար-հանդիպման ընթացքում նա մասնակիցներին կներկայացնի ֆոտոնկարչության, գրաֆիկ դիզայնի, շարժական լուսանկարչության որոշ մանրամասներ, ինչպես նաև կպատասխանի մասնագիտական հարցերի: Մասնակցել կարող են ինչպես սկսնակներ, այնպես էլ պրոֆեսիոնալ լուսանկարիչներ:
Այդ օրը LOFT-ում տեղի կունենա նաև Արվին Քոչարյանի՝ "Mysticus" խորագիրը կրող ֆոտոշարքի բացման արարողությունը:
Մուտքը միայն բարեգործների համար՝ 2000 դրամ:
Հիշեցնենք, որ դեկտեմբերի 8-ին LOFT-ի տարեդարձն է, որն ամբողջությամբ բարեգործական բնույթ է կրում և իրականացվում է «Լոֆթն առանց տորթ» խորագրի ներքո: Տվյալ համերգի ողջ հասույթն ուղղվելու է 7-ամյա Ռոզա Ավանեսյանի բուժմանը, ում մոտ ախտորոշվել է գլխուղեղի ուռուցք: