«Հայոց պատերազմները և ռազմարվեստը» մատենաշարի հինգ հատորների շնորհանդես՝ բանակի օրվա կապակցությամբ

Հունվարի 27-ին «Արտբրիջ»-ում տեղի կունենա «Հայոց պատերազմները և ռազմարվեստը» մատենաշարով լույս տեսած հինգ հատորների՝ «Հայկական լեռնաշխարհի բրոնզեդարյան սպառազինությունն ու ռազմարվեստը», «Վանի թագավորության պատերազմներն ու ռազմարվեստը», «Հայ ռազմարվեստը Երվանդունիների օրոք», «Հայոց պատերազմները և ռազմարվեստը Տիգրան Մեծի օրոք», «Մեծ Հայքի Արշակունյաց թագավորության զինված ուժերը, սպառազինունթյունը և ռազմարվեստը», շնորհանդեսը:
Հեղինակային հատորները կներկայացնեն պատմական գիտությունների դոկտոր Հայկ Դեմոյանը և պատմական գիտությունների դոկտոր Հայկ Հակոբյանը: Հատորները պարունակում են հարուստ նկարազարդումներ և նկարչական վերականգումներ հնագույն շրջանի հայ ռազմարվեստի սպառազինության ու ամրաշինության վերաբերյալ:
Հայ ռազմարվեստի պատմությունը ներկայացնող այս մատենաշարը ներառելու է շուրջ հիսուն հատորյակ, որոնցում պետք է ներկայացվեն հայ ռազմարվեստի, սպառազինության, նշանավոր ճակատամարտերի, ինչպես նաև հայկական բազմադարյա ամրաշինության պատմությունը: