«Լույսը կբացվի»

Սովորական կյանք է, սովորական երեկո... Ամեն անգամվա պես ընթրիք, հետո՝ հեռուստացույց... ու ևս մի սովորական օր ավարտվեց: Իսկ եթե այդպիսի մի սովորական երեկո քո ամենամտերիմ, հարազատ մարդը թողնում է քեզ ու գնում ուրիշ կնոջ մո՞տ: Ու դու մնում ես մենակ՝ տանը, քաղաքում, ամբողջ աշխարհում... Կարող ես անմխիթար լաց լինել, կամ, Աստված չանի, մի տուփ քնաբեր խմել ու... Իսկ եթե հավաքես ձեր համատեղ կյանքի ամենաթանկ հուշերը, լցնես ճամպրուկն ու գիշերվա կեսին գնաս, գտնես նրա «սեքսուալ ապաստանը» ու այդ տան բակում, նրա պատուհանի տակ սպասես... ինչի՞ն, ինչո՞ւ... Իսկ լուսաբացին դեռ ժամեր կան, շուրջը լուռ է, պատուհանը՝ մութ: Ու հանկարծ պարզվում է, որ նույնիսկ այս վիճակից ավելի դաժանը կա...