ՀՊՃՀ -ի ամենամյա ավանդական երգի-պարի փառատոն

ՀՊՃՀ (Պոլիտեխնիկ)-ի ամենամյա ավանդական երգի-պարի արդեն 35-րդ փառատոնի քառօրյա ծրագիրը՝
հոկտեմբերի 12-ին՝ ժամը 12:00-ին, փառատոնի հանդիսավոր բացման արարողությունն է, որի ընթացքում հայկական ավանդական երգի-պարի խմբերը երթով և համերգային մեծ ծրագրով հանդես կգան ՀՊՃՀ-ի, Մատենադարանի, Կասկադ համալիրի, Հ. Թումանյանի տուն-թանգարանի, Ազատության հրապարակի, Կարապի լճի տարածքում: Մասնակցությամբ` "Կարին", "Ակունք", "Մարաթուկ", "Մասունք", "Նուբար", "Սասնա Ծռեր", "Սասուն", "Վան", "Վերադարձ" և այլ հայ ավանդական երգի-պարի խմբերի, "Հավասի" աշուղական երիտասարդական անսամբլի և այլ:
հոկտեմբերի 14-ին՝ ժամը 17:00-ին, հայկական ժողովրդական գործիքների վարպետաց դասեր , դասախոսություններ, թեմատիկ ֆիլմերի ցուցադրում, որը տեղի կունենա ՀՊՃՀ-ի 1-ին (Քիմիական) մասնաշենքի 1301 դահլիճում:
հոկտեմբերի 16- ին և 17-ին՝ ժամը 15:30-ից, բուն փառատոնը տեղի կունենա ՀՊՃՀ-ի մեծ դահլիճում (2-րդ մասնաշենքի 2-րդ հարկում) :
Միջոցառումների մուտքն ազատ է: