Այց Գեղարքունիքի մարզ
«Օգնենք հայ մանուկներին» բարեգործական հասարակական կազմակերպությունն այս անգամ բարեգործական այցով կլինի Գեղարքունիքի մարզի Մեծ Մասրիկ, Լճավան և Խաչաղբյուր գյուղերում և Վարդենիս քաղաքի եկեղեցուն կից կիրակնօրյա դպրոցում: Նպատակն է գյուղերի անապահով կարգավիճակում ապրող ընտանիքներին հնարավորինս օգնություն ցույցաբերելը, իսկ կիրակնօրյա դպրոցում գործող խմբակներին՝ անհրաժեշտ պարագաներով ապահովելը: Այցը տեղի կունենա ապրիլի 2-ին:
Ընկերներ, ակնկալում ենք նաև ձեր օգնությունն և աջակցությունը․ անապահով վիճակում ապրող երկու ընտանիքներ ունեն հեռուստացույցի և լվացքի մեքենայի կարիք:
Քաղաքի կիրակնօրյա դպրոցում գործում են տարբեր խմբակներ, որոնց լիարժեք գործունեության համար անհրաժեշտ են նկարչական պարագաներ, ասեղնագործության և գոբելեի թելեր, ինչպես նաև համակարգչային խմբակի համար չկան համակարգիչներ․առնվազն երկու համակարգիչ է անհրաժեշտ խումբը հավաքելու համար:
Подарочная карта 
Добавить мероприятие 
Обратная связь 
