Լռության երթ ի հիշատակ զոհված զինվորների

Ապրիլի 1-ի լույս 2-ի գիշերը ղարաբաղա-ադրբեջանական սահմանին իրավիճակը լարվեց: Հակառակորդի կողմից սանձազերծված մարտերում ունենք զոհվածներ, վիրավորներ եւ անհետ կորածներ։ Ցանկությունը մեծ է ներկա լինել զոհված զինվորների վերջին հրաժեշտին ու խոնարհվել նրանց ընտանիքի առջև, սակայն հերոսաբար զոհված տղաները Հայաստանի տարբեր մարզերից են։ Ուստի, որպեսզի կարողանանք հարգանքի տուրք մատուցել բոլոր զոհվածներին, մենք՝ մի խումբ քաղաքացիներով, ցանկանում ենք ապրիլի 10-ին ժամը 19:00-ին լռության երթ անցկացնել ի հիշատակ նահատակների։
Ժամը 19:00-ին մոմերով և ծաղիկներով Ստ. Շահումյանի հրապարակից շարժվելու ենք դեպի Եռաբլուր, որտեղ կիրականացնենք խորհրդանշական մոմավառություն։
Խնդրում ենք գալ մոմերով եւ ծաղիկներով
Մի խումբ ՀՀ քաղաքացիներ