Կինոդիտում. Գահերի խաղ՝ 6-րդ սեզոն,1-ին սերիա

Սիրելի՛ ԷՕՆցիներ և «Գահերի խաղ»-ի խելագարներ:
Հաշված օրեր են մնացել ամենասպասված և ամենագազան սերիալի նոր սեզոնի պրեմիերային:
Շտապում ենք տեղեկացնել, որ ապրիլի 25-ին՝ ժամը 20:00-ին, հավաքվելու ենք ԷՕՆում և միասին դիտելու ենք առաջին սերիան: Կտեսնենք, թե ինչ եղավ Թիրիոնի, Արիայի, Սանսայի, Դեյներիսի հետ և վերջապես կիմանանք՝ ողջ է մնացել Ջոն Սնոուն, թե՝ ոչ:
Ավարտին են հասնում բարօրության շրջանը և ամառը, որ տևեց գրեթե տասնամյակ: Յոթ թագավորությունների կենտրոնի՝ Երկաթե գահի շուրջ դավադրություն է հասունանում: Այդ դժվար պահին թագավորը որոշում է վաղեմի ընկեր Էդդարդ Ստարկի օգնությունը խնդրել: Աշխարհում, ուր ամենը՝ սկսած թագավորից մինչև վարձկան, ձգտում են իշխանության, դավադրություն են կազմակերպում և պատրաստ են մեջքից հարվածել, դեռ ապրում են մեծահոգությունը, կարեկցանքը, սերը: Մինչդեռ, ոչ ոք չի նկատում լեգենդների չար ուժերի զարթոնքը հեռու հյուսիսում: Միայն Պատն է պաշտպանում դրանից հարավ ապրող մարդկանց:
Տևողություն՝ 60 րոպե
Լեզու՝ անգլերեն
Մուտքը՝ 1000 դրամ (ներառյալ սուրճ, թեյ, քաղցրավենիք և փոփ-քորն)