Հարթակ փորձի փոխանակման 2-րդ փառատոն

Հունիսի 11-ին և 12-ին Երևանում արդեն 2-րդ անգամ կանցկացվի “Հարթակ” Երևանի փորձի փոխանակման փառատոնը:

Բարի գալուստ Հարթակ փառատոն։ Հետաքրքիր և նորարարական ամենամյա փառատոն, որը տեղի է ունենում Երևանում, ՀՀ։ Այն իրականացնում է զանազան ուորքշոփեր, քննարկումներ և միջոցառումներ, ինչը համախոհ և ստեղծարար մարդկանց հետ հմտությունների, փորձի և գիտելիքների փոխանակման հիանալի հնարավորություն է՝ ինչպես նոր և զարգացող համայնք։

Այս տարի Հարթակը ընդլայնում է ծրագիրը։ Բացի հաստատված 40 ուորքշոփերից, մենք կիրականացնենք նաև պանել և կլոր սեղան քննարկումներ՝ գլխավոր փառատոնի միջոցառումների հետաքրքիր ծրագրի հետ մեկտեղ։

Բացի այդ, այս տարվա փառատոնի ուշադրության կենտրոնում են լինելու բնապահպանական խնդիրները։ Ուստի մենք կիրականացնենք նաև հավելյալ ուորքշոփերի շարք, ուղղված հետևյալ խնդիրներին՝ էկոլոգիա, վերամշակում և ռեսուրսների խնայողություն։ Կլինեն և գործնական եղանակներ այս խնդիրները յուրաքանչյուր բաժնում ուղղորդելու համար, ինչպես նաև քննարկումներ՝ ուղղված Հայաստանում այս խնդիրների լուծմանը։

Ամառային Հարթակն ունի 4 բաժին՝ Հոգի և մարմին, Արա ինքդ, Արվեստ և տեխնոլոգիա, Խոհարարություն:

Հոգի և մարմին. Երևանի այգիներից մեկում կանցկացվեն հաճելի և առողջարար վարպետության դասեր՝ յոգա, “Ցիգուն” մարզանք, “Վինգ չուն” մարտաձև, մնջախաղ, օգտակար քննարկումներ մայրիկների համար, բանախոսություններ հոգու առողջության, անհատի ազատության և աճի:

D.I.Y. / Արա ինքդ. Այս բաժնում Հարթակը ներկայացնում է տեղացի վարպետների և մի քանի միջազգային հյուրերի՝ ջինսի վերամշակման մեջ վարպետացած ալբանացի Բուկուրոշեին, բնապահպան-գորգագործ գերմանացի Սեպին, բնական դիմահարդարման ջատագով կանադացի Մայային:

Խոհարարություն. Այս ամենամեծ ու ամենահամով բաժնում, ինչպես անցյալ տարի՝ լավագույն ռեստորաններն ու անհատ խոհարարները, համեղ բաղադրատոմսեր և խոհարարական գաղտնիքներ ամբողջ աշխարհից, ինչպես նաև անդրադարձ էթիկետի կանոններին և սննդի մշակույթին:

Արվեստ և տեխնոլոգիա. Հետաքրքիր էքսպերիմենտներ արվեստի և տեխնոլոգիաների սինթեզի դաշտում՝ երաժշտություն, նկարչություն, դիզայն, սթորիթելինգ, թվանշային գործիքներ և ինժեներական նորարարություններ: