Ցուցահանդես` նվիրված Հայաստանի վայրի բնությանը

Հայաստանում եղած վայրի կենդանական աշխարհը, ինչպես նաև Կարմիր գրքում գրանցված կենդանական տեսակները կներկայացվեն Գոռ Իսկանդարյանի «Հայաստանի վայրի բնաշխարհը» խորագիրը կրող լուսանկարների ցուցահանդեսի շրջանակներում:
Մայիսի 9-ին՝ ժամը 19:00-ին, «Նարեկացի» արվեստի միությունում տեղի կունենա Գոռ Իսկանդարյանի «Հայաստանի վայրի բնաշխարհը» խորագիրը կրող ցուցահանդեսը, որը նպատակ ունի ներկայացնել լուսանկարչի 1 տարվա արված աշխատանքները:
Լուսանկարելը Գոռ Իսկանդարյանի համար աշխարհն իր պատկերացմամբ ցույց տալու միջոց է:
Ցուցահանդեսը կունենա նաև համերգային մաս, որի ժամանակ ելույթ կունենան «Վանա Թոր» երաժշտական նախագծի անդամները:
Մուտքն ազատ է: