Ժաննա Գլադկո «Ուժ հարուցելով»

Ժաննա Գլադկոն ներկայացնում է բելառուս արվեստագետների երիտասարդ սերունդը։ Զանազան միջոցներով նա անդրադառնում է գենդերի հարցերին` ներկայիս ֆեմինիստական տեսությունների համատեքստում։ Գլադկոն ապրում և ստեղծագործում է Մինսկում։ 2002-2009 թվականներին նա սովորել է Բելառուսի Պետական Գեղարվեստների Ակադեմիայում։
Երկիմաստ պատկերներ կառուցելու միջոցով նրա բոլոր գործերը միտվում են վերամտածելու/ապակառուցելու այնպիսի ընդգրկուն հասկացություններ, ինչպիսիք են օրինակ՝ գենդերային քաղաքականությունն ու հայրիշխանությունը, կրոնը և մշակույթը, արվեստի համակարգն ու հասարակությունը։ Ավելին, հետազոտելով իր անձնական փորձառությունից բխող հարցեր, Ժաննա Գլադկոն միաժամանակ բացահայտում է վերջիններիս հրատապությունը։ Այսպես, Բելառուսում հայրիշխանությունը քննադատելու համար նա ստեղծում է ինքնա–դիմանկարների շարք, որն արդիականացնում է բազում ցավոտ թեմաներ: Գլադկոն ստեղծում է նաև օբյեկտների և գործողությունների փաստագրության անհատական մի հավագածու։ Այս կերպ նա վերաարժեվորում է իր հարաբերություններն ու ընդհարումներն իր հոր հետ։
«Ուժ հարուցելով»-ը Գլադկոյի կարեւորագույն գործերից է։ «Կալեկտար» Բելառուս ժամանակակից արվեստի ուսումնասիրությունների հարթակի փորձագետները դասել են այս աշխատանքը Բելառուսի վերջին 50 տարվա արվեստի 40 ամենաազդեցիկ գործերի շարքին։