Ո՞վ կա այդտեղ

Ֆիլմը մի հաստլիկ հարուստ տղամարդու մասին է, որը հուսահատորեն զուգարան է փնտրում և վերջապես գտնում է մի տարօրինակ ու լքված շինության մեջ: Շուտով նա հասկանում է, որ զուգարանի դուռը չի բացվում, ինքը մնացել է ներսում փակված, և փրկվելու միակ ելքն այն է, որ որևէ մեկը լսի իր գոռոցը: Ցավոք, պարզվում է, որ նա խուլուհամրերի շենքում է: Ֆիլմը փոխաբերական թեմայով է, որի առանցքը հաղորդկացման դժվարություններն են: Չնայած մենք կարծում ենք, որ 21-րդ դարում հաղորդակցության բոլոր միջոցները հասանելի են, դժբախտաբար մարդկային հաղորդակցության ամենապարզ ու հիմնական ձևերը, մասնավորապես գոռոցը, այնպիսի անհարմար բան է դարձել, որ ոչ մեկը չի ուզում լսել: