Ֆրիդա Կալո. մայաների և ացտեկների մշակույթի շարունակողը

Հոկտեմբերի 22-ին՝ ժամը 19:00-ին, ԷՕՆը հրավիրում է՝ լեգենդար մեքսիկուհի Ֆրիդա Կալոյի կյանքը և ստեղծագործությունը քննարկելու:
Երիտասարդ Ֆրիդան ընդամենը 20 տարեկան էր, երբ ամուսնացավ հայտնի նկարիչ մեքսիկացի Դիեգո Ռիվերայի հետ: Ռիվերայի ստեղծագործությունը և հետաքրքրությունը Մինչկոլումբիական ամերիկայի ժողովուրդների մշակույթի հանդեպ ազդեցություն են ունեցել Կալոյի վրա և նկարչուհու գործերում մշտապես զգացվում է Մինչկոլումբիական մշակույթի ներկայությունը:
Սեմինարի ընթացքում կքննարկենք Մինչկոլումբիական մշակույթի և Ֆրիդա Կալոյի ստեղծագործության կապը՝ ցույց տալով ճանապարհը հնագույն ժամանակներից մինչև 20–րդ դար։ Կկատարենք մինչկոլումբիական ժողովուրդների մշակույթի ընդհանուր ակնարկ և կուսումնասիրենք նրանց հետքերը 20–րդ դարի Մեքսիկայի մշակույթի վրա։
Դասախոսությունը կվարի Արվեստաբան Անուշ Հակոբյանը, ով 2002թ-ից աշխատել է Հայաստանի պատմության թանգարանում, Հայաստանի ազգային պատկերասրահում, դասավանդել է Հայաստանի Պետական համալսարանում, Երևանի Գեղարվեստի ակադեմիայում և Երևան թատրոնի և կինոյի պետական ինստիտուտում: Հեղինակ է բազմաթիվ արվեստաբանական կատալոգների, հոդվածների, հոդվածների, ցուցահանդեսների, քննարկումների:
Լեզուն՝ հայերեն:
Տևողությունը` 1,5 – 2 ժամ:
Մուտքը` 2000 դրամ, ներառյալ հյուրասիրություն: