Շորիկներ տիկնիկների համար

Կիրակնօրյա մեր միջոցառումների շարքում այս անգամ հրավիրում ենք միայն աղջիկներին` համալրելու իրենց տիկնիկների զգեստապահարանը:
Մեր Քնարիկի ստեղծագործ երեւակայությունն օգտակար է լինելու նաեւ տիկնիկների համար. առանձնացրել ենք կտորներ եւ այլ նյութեր, որոնցով երեխաները կկարողանան ստանալ փոքրիկ շորիկներ իրենց սիրելի տիկնիկների համար: Իհարկե ճիշտ կողմնորոշվելու եւ համադրելու համար մենք խորհուրդներ չենք խնայի, իսկ պատրաստելու համար էլ բավական հեշտ ձեւեր ենք մտածել, որ երեխաները չդժվարանան: Ասեղ չենք օգտագործելու, փոխարենը` ամրացնող եւ փակցնող այլ անվտանգ նյութեր:
Մասնակցել կարող են 5 տարեկան եւ բարձր աղջիկները: Մեկ երեխայի համար մասնակցության արժեքը 2000դրամ է, որը ներառում է բոլոր անհրաժեշտ նյութերը:
Մեր հյուրասենյակը սահմանափակ տեղեր ունի, հետեւաբար նախնական գրանցումը պարտադիր է:
Մեր հասցեն` Բուզանդի 43՝ Մարգարյան հիվանդանոցի հարեւանությամբ:
Կհանդիպենք