«Ամուսնանալու արվեստը». գրքի շնորհանդես LOFT-ում

Դեկտեմբերի 1-ին՝ ժամը 19։00-ին` #LOFT ինքնազարգացման կենտրոնում տեղի կունենա Վասպուր Ղույումչյանի «Ամուսնանալու արվեստը» գրքի շնորհանդեսը։
Գիրքը նախատեսված է 18 տարեկանից բարձր ընթերցողների համար: Այն Հայաստանում ամուսնանալու առկա խնդրի մասին է: Պատմությունները վերցված են իրական կյանքից, և հասկանալի պատճառներով անուններն ու սցենարները փոփոխված են:
Բացի գիրք հեղինակալուց, Վասպուր Ղույումչյանը պատրաստվում է մի շարք միջոցառումների, որոնք նույնպես կանդրադառնան կին և տղամարդ հարաբերությունների խնդիրներին և ոչ միայն։
Գրքի ստեղծման ճանապարհին հեղինակը խորհրդակցել է բազմաթիվ մասնագետների հետ, ովքեր այս կամ այն չափով առնչվում են գրքում արծածվող խնդիրներին։
Ձեզ սպասվում է գեղեցիկ երեկո, որի ընթացքում հնարավորություն կունենաք ձեռք բերել գիրքը՝ հեղինակի մակագրությամբ։
Մուտքն ազատ է։