Հանրային քննարկում ՄԱՀՀԻ տնօրեն Ստեփան Սաֆարյանի հետ

AEGEE-Երևան ՀԿ-ն, ՙՀոդված 3՚ ակումբը և ՙՄիջազգային և անվտանգության hարցերի հայկական ինստիտուտը՚ սիրով հրավիրում են բոլոր հետաքրքրված անձանց մասնակցելու «Հայաստանի եվրոպական տեսլականը» թեմայով հանրային քննարկմանը, որը տեղի կունենա ս.թ.-ի փետրվարի 17-ին՝ ժամը 16։30-ին՝ ՙՀոդված 3 ակումբում՚ (հասցե՝ Թումանյան 26Ա, ք․ Երևան)։ Սույն հանրային քննարկման բանախոսն է լինելու պրն Ստեփան Սաֆարյանը, ով կանդրադառնա Հայաստանի եվրաինտեգրման գործընթացին, Հայաստան-ԵՄ բանակցությունների ներկա ընթացքին ու համագործակցության հեռանկարներին։ Մասնակիցները կստանան հարց ու պատասխանի հնարավորություն։
Աշխատանքային լեզուն հայերենն է, անհրաժեշտության դեպքում կարող ենք տրամադրել անգլերեն թարգմանություն։
Ի գիտություն, AEGEE-Երևանն որպես քաղաքականապես անկախ երիտասարդական հասարակական կազմակերպություն առաջարկում է հանրային քննարկումների շարք, որը նպատակ ունի ծառայել որպես տեղեկատվական հենք հայ երիտասարդների, ուսանողների, քաղաքացիական հասարակության և Հայաստանում գործող միջազգային կազմակերպությունների համար: Մասնավորապես, սույն ծրագրի նպատակն է յուրաքանչյուր ամիս տրամադրել անաչառ վերլուծություններ և տեղեկատվության այլընտրանքային աղբյուր հանրային նշանակություն ունեցող թեմաների և Հայաստանին անմիջականորեն վերաբերող գործընթացների մասին: