«Մոխրոտիկը»` handmade հեքիաթում

ՏաՏան շարունակում է իրական հեքիաթների շարքը փոքրերի համար. այս անգամ առաջարկում ենք միանալ «Մոխրոտիկը» handmade խաղ-հեքիաթին, որի հեղինակը կրկին երեխաներն են լինելու:
Հանդիպման ընթացքում երեխաների հետ միասին կլսենք ու կպատմենք հեքիաթը, կօգնենք մոխրոտիկին սովորել պարել վալս և կճանապարհենք պարահանդեսի, իսկ մինչեւ նրա վերադառնալը կպատրաստենք ապակյա շքեղ կոշիկն ու դդմիկներով կառքը: Բոլոր մասնակիցները կպատրաստեն նաեւ իրենց կախարդական թագերը, իսկ երբ ժամացույցը զարկի կեսգիշերը եւ կանչեն ժամացույցի զանգերը, մենք պետք է պատրաստած լինենք արդեն կորցրած կոշիկի զույգը, այլապես կչքանան կախարդական նյութերը: Օգտագործելու ենք ծեփոն, փայլփլուն զարդարանքներ և պլաստիկ եւ այլ նյութեր:
Մասնակից յուրաքանչյուր երեխա հնարավորություն կունենա իր ստեղծած հերոսի հետ միասին պատմել հեքիաթի մի հատված, խաղացնել ու զարգացնել արկածները, գուցե նաեւ փոփոխել հեքիաթը :): Արդյունքում երեխաները ոչ միայն կապրեն սիրելի հեքիաթում, այլ նաեւ կշփվեն հասակակիցների հետ, կերեւակայեն եւ իրենց պատկերացումները «հանդիսատեսին» կներկայացնեն: Իսկ հեքիաթի ավարտից հետո բոլորն իրենց պատրաստածը տուն կտանեն:
Հանդիպում ենք փետրվարի 18-ին՝ շաբաթ, 12:00-ին: Միջոցառումը նախատեսված է 2-6 տարեկան երեխաների համար, ովքեր կարող են մասնակցել մեծահասակի հետ կամ մենակ, մեր մասնագետները փորձելու են խաղ-հեքիաթի մեջ առավելագույն ներգրավել բոլոր մասնակիցներին եւ նպաստել նրանց շփման հմտությունների զարգացմանը: Մեկ երեխայի համար մասնակցության արժեքը 2000դրամ է:
Մեր հասցեն` Բուզանդի 43՝ Մարգարյան հիվանդանոցի հարեւանությամբ:
#ՏաՏա #ՇաբաթԿիրակի #Մոխրոտիկը #ԻրականՀեքիաթ