Ձայնասկավառակի շնորհանդես ՆԱՄ-ում

Հունիսի 12-ին՝ ժամը 19:00-ին, «Նարեկացի» արվեստի միությունում տեղի կունենա անվանի կոմպոզիտոր Տիգրան Մանսուրյանի «Խմբերգեր» ձայնասկավառակի շնորհանդեսը, որը վերահրատարակվել է 2016 թվականին:
Տիգրան Մանսուրյանի «Խմբերգեր» ձայնասկավառակը թողարկվել է 2014 թվականին «Նարեկացի» արվեստի միության կողմից և վերահրատարակվել 2016-ին:
Այս ժողովածուի մեջ ընդգրկված խմբերգերը բազմիցս են հնչել, սակայն ձայնասկավառակի տեսքով այն հանրությանն է ներկայացվում առաջին անգամ:
Այն պարունակում է նաև տեղեկատվական գրքույկ, որի մեջ ներառված են նաև բոլոր ներկայացված խմբերգերի բանաստեղծությունները:
Մուտքն ազատ է: