Երևանի կանաչ լուսավորության շաբաթ
Լուսադիոդային (LED – Light Emitting Diode) լուսավորությունը Հայաստանում տեխնոլոգիական զարգացման հրաշալի օրինակ է: Երևանի բնակիչներն ու հյուրերն արդեն իսկ վայելում են օդանավակայան տանող ճանապարհի, ինչպես նաև Մաշտոցի և Արշակունյաց պողոտաների, Ծիծեռնակաբերդի և Աթենքի փողոցների լուսադիոդային լուսավորությունը:
LED լամպերը մինչև 50 անգամ ավելի երկար են ծառայում, ծախսում են 8 անգամ ավելի քիչ էներգիա և շատ ավելի ոճային տեսք ունեն:
Պարզապես փոխարինեք Ձեր տան սովորական շիկացման լամպերը LED տարբերակով։ Առաջին քայլը կարող եք անել մեր տաղավարներից մեկում՝ հանձնելով ցանկացած շիկացման լամպ և փոխարենը ստանալով մեկ LED լամպ: Անվճար LED լամպից բացի՝ Դուք կարող եք նաև շահել հարյուրավոր անակնկալ նվերներից մեկը՝ վարդ, գինի, սուրճ, շոկոլադ, թանգարանի տոմսեր:
Տաղավարներն աշխատելու են երկուշաբթիից ուրբաթ 12:00–20:00 հետևյալ հասցներում՝
Հոկտեմբերի 23, 24, 25
• Հյուսիսային պողոտա, շատրվանների հարևանությամբ
• «Երիտասարդական» մետրո կայարանի հարևանությամբ
Հոկտեմբերի 26, 27
• Գարեգին Նժդեհի հրապարակ, «Ամերիաբանկի» հարևանությամբ
• Նոր Նորքի 2–րդ զանգված, շուկայի հարևանությամբ
«Երևանի կանաչ լուսավորության շաբաթը» կազմակերպվում է ՄԱԿ-ի Զարգացման ծրագրի (UNDP), Գլոբալ էկոլոգիական ֆոնդի (GEF), ՀՀ բնապահպանության նախարարության և Երևանի քաղաքապետարանի հետ համատեղ՝ ՄԱԶԾ-ԳԷՖ «Քաղաքային կանաչ լուսավորություն» ծրագրի շրջանակներում։
###
The UNDP-GEF "Green Urban Lighting" project, in partnership with the RA Ministry of Nature Protection and Yerevan Municipality, organises Yerevan Green Lighting Week on 23-27 October aimed at raising public awareness about energy-efficient and environmentally-friendly lighting solutions. The campaign is in line with the UN Sustainable Development Goals #7 (Affordable and Clean Energy) and #13 (Climate Action). Throughout the week, all citizens will have the opportunity to engage in a number of educational and fun activities related to energy-efficient LED technology. For more information, please visit www.nature-ic.am.