Կինոաշխատանոց, 7-ից 70 տարեկան կինոերազողների համար
ՄԷԿ ԿԱԴՐ թիմը, հայտարարում է իր աջակցությունը փառատոնի ՄԷԿ ԿԱԴՐ ՄԷԿ ՐՈՊԵ անվանակարգին մասնակցել ցանկացողներին: Փառատոնը պատրաստ է օգտակար լինել յուրաքանչյուր առանձին մտահղացման զարգացմանն ու իրագործմանը: Տրամադրել նկարահանման տարածք, տեխնիկական խորհրդատվություն: Աջակցել նկարահանումների կազմակերպման, մոնտաժի, հնչյունավորման, հայտագրման և այլ հարցերում:
Մինչև ՄԷԿ ԿԱԴՐ 2018 փառատոնին հայտագրման վերջնաժամկետ՝ ապրիլի 20-ը, ամեն չորեքշաբթի, ժամը՝ 17:00–19:00 ժամանակահատվածում, նախագծի պատասխանատուն պատրաստ է հանդիպել բոլոր ցանկացողներին: Երևանից դուրս, ՀՀ մարզերի քաղաքացիներին պատրաստ ենք տրամադրել առցանց աջակցություն:
ՄԷԿ ԿԱԴՐ թիմը երախտապարտ կլինի այս հայտարարության տարածման, ճիշտ հասցեատերերին գտնելու, փոխադարձ աջակցության համար:
ՄԷԿ ԿԱԴՐ ՄԷԿ ՐՈՊԵ ֆիլմերի կանոնները
1. Ֆիլմի տևողությունը առանց տիտրերի պետք է լինի մեկ րոպե (60 վրկ.):
2. Ֆիլմը սահմանափակվում է մեկ կադրում, բացառվում է համակարգչային մոնտաժի միջոցով երկու տարբեր կադրերի համադրումը մեկի մեջ:
3. Անիմացիոն ֆիլմերում բազմակադր գործողությունը չի դիտարկվում որպես մեկ կադր պայմանի խախտում: Արգելվում է բազմապլան անցումներով ուղղակի մոնտաժը:
4. Բնագրերը (տիտրեր) մեկ րոպե աշխատանքից դուրս. կադրի սկզբում` 10 վրկ. տևողությամբ:
5. Հեղինակային հայացքների, ժանրի, ձևի, կրիչի սահմանափակումներ չկան: