«Էմանացիա» քանդակի ցուցահանդես

Քանդակագործների աշխատանքներն իրարից բոլորովին տարբեր են, սակայն ունեն ընդհանրություններ, որոնք թույլ են տալիս արվեստագետների աշխատանքները ցուցադրել մեկ ընդհանուր խորագրի ներքո: Դրանք են` մթության, խավարի մեջ լուսավոր մտքի ծնունդ, լույսը` որպես բացահայտող, ստեղծագործության ներքին էությունն արտահայտող տարր:

Լույսի անդրադարձի շնորհիվ դիտողը պատկերը յուրովի է ընկալում, մեկնաբանում: Ստվերը կամ մութը մենք դիտարկում ենք մարդու կողմից դեռ չբացահայտված, չլուսավորված բնույթի մի երեւույթ: Այս ցուցահանդեսում մութը, ստվերը զուգադրվում է անորոշության հետ, որի ներսում տեղակայված լույսի հատընտիր դիրքերի շնորհիվ, կարծես առաջանում, ծնվում, երևան են գալիս քանդակները: Այս իմաստով ցուցահանդեսի էքսպոզիցիան կարեւոր դեր է խաղում ներկայացվող աշխատանքները ոչ միայն սոսկ տեսնելու, ինչպես նաեւ գրագիտության, այլեւ ներսուզման ու ստեղծագործություններն զգալու իմաստով: