Ցուցահանդես ՆԱՄ-ում | Exhibition at NAI

Հուլիսի 30-ին՝ ժամը 18:30-ին, «Նարեկացի» արվեստի միությունում տեղի կունենա Աննա Համբարյանի անհատական ցուցահանդեսը:
Ցուցահանդեսը կրում է «Մարդը և բնությունը» խորագիրը:
Միջոցառմանը ներկայացվելիք գեղանկարներն արտահայտում են նկարչի մտորումներն անցողիկի և հավերժի, մարդու, բնության և տիեզերքի կապի, ներդաշնակության մասին:
Աննա Համբարյանը սովորել է Երևանի պետական գեղարվեստա-թատերական ինստիտուտում. 2004 թվականից ՀՀ նկարիչների միության անդամ է:
2008 թվականին անհատական ցուցահանդեսով հանդես է եկել «Արտ Բրիջ»-ում:
Մասնակցել է բազմաթիվ ցուցահանդեսների ինչպես Հայաստանում, այնպես էլ արտերկրում:
Մուտքն ազատ է: