Լուսինե Աթայանի մենահամերգ

Նոյեմբերի 20-ին՝ ժամը 19:00-ին, «Նարեկացի» արվեստի միությունում տեղի կունենա քանոնահարուհի Լուսինե Աթայանի մենահամերգը, որը կրում է «Նոր ծաղիկ» խորագիրը:
Համերգային երեկոյի ընթացքում կհնչեն հոգևոր, ժողովրդական և աշուղական ստեղծագործություններ՝ Կոմիտասի, Ա. Խաչատրյանի, Գ. Մանասյանի, Ծ. Հովհաննիսյանի, Շ. Սաղաթելյանի մշակմամբ։
Մի շարք հանրապետական և միջազգային մրցույթ-փառատոների մասնակցած Լուսինե Աթայանը սովորել է Ա. Ցիցիկյանի անվան թիվ 21 երաժշտական դպրոցում, այնուհետև ուսումը շարունակել է Առնո Բաբաջանյանի անվան երաժշտամանկավարժական քոլեջում:
«Վերածնունդ» միջազգային փառատոնում արժանացել է «Կոմիտասի լավագույն կատարում» հատուկ մրցանակին, իսկ Արարատյան Հայրապետական թեմի կազմակերպած «Իզաբել» մրցույթում զբաղեցրել է 3-րդ հորիզոնականը:
Նվագակցող՝ Շուշանիկ Բագրատունի
Դասախոս՝ Գայանե Աբաջյան
Ելույթ կունենա քանոնահարների անսամբլը
Մուտքն ազատ է: