«Տալենտում» համաստեղության հեքիաթ

«Երաժշտություն հանուն ապագայի» մշակութային հիմնադրամը սիրով հրավիրում է Ձեզ «Տալենտում» համաստեղության Ամանորյա հեքիաթային համերգին, որը տեղի է ունենալու 2022թ. դեկտեմբերի 22-ին Արամ Խաչատրյան համերգասրահում, սկիզբը` ժամը 19:00-ին:
Այս համերգը բացառիկ հնարավորություն է 12 պատանի տաղանդների համար ելույթ ունենալ Հայաստանի պետական սիմֆոնիկ նվագախմբի հետ մեկ բեմում դիրիժոր, «Երաժշտություն հանուն ապագայի» մշակութային հիմնադրամի նախագահ Սերգեյ Սմբատյանի գլխավորությամբ:
Համերգին պատանի տաղանդավոր երաժիշտների կատարմամբ կհնչեն Բախի, Սարասատեի, Չայկովսկու, Բաղդասարյանի, Հարությունյանի, Գերշվինի, Մանգանիի, Գրիգի, Բեթհովենի, Խաչատրյանի, Ռախմանինովի ստեղծագործությունները:
Մենք հավատացել ենք հայ տաղանդի ուժին։ Համոզված ենք, որ Դուք էլ կհավատաք այս պատանիների տաղանդին և իրենց ապագային։