Հեծանվային կայանատեղերի` հեծանվային մարաթոնը

Երևանի Քաղաքապետարանի նախաձեռնությամբ, "Սիթի Փրոմոուշն" ՍՊԸ-ի հետ համատեղ օգոստեսի 16-ին, ժամը 19:00-ին կազմակերպվում է հեծանվային մարաթոն, որն իրականացվում է "Երևանյան ամառ 2013՚" մշակութային ծրագրի շրջանակներում: Մարաթոնի ընթացքում պաշտոնապես կբացվի Երևանում հեծանվային կայանատեղերի առաջին խումբը: Մասնակցել ցանկացող հեծանվորդներին առաջարկում ենք միանալ քաղաքի տարբեր հատվածներից դեպի Շահումյանի հրապարակ շարժվող խմբերին: Խմբերը ժամը 19:00-ին միաժամանակ կշարժվեն դեպի Շահումյանի հրապարակ՝ վարժ հեծանվորդների ուղեկցությամբ, որտեղ միջոցառման կազմակերպիչները նրանց կդիմավորեն հաճելի երաժշտության, հրավիրված DJ֊-ի և այլ հեծանվորդների հետ միասին: Կլինեն նաև այլ ժամանցային միջոցառումներ: