Մոտ եկեք – Արվեստը՝ այլ տեսանկյունից

«Մոտ եկեք»-ը նպատակ ունի փոխանակության (գաղափարների, տեսակետների) և հաղորդակցության թեմայի շուրջը իրար կողք բերել տարբեր փորձառությամբ արվեստագետների՝ մերձության եւ հեռավորության առումով իր բոլոր հետեւանքներով հանդերձ: Այն կիրականացվի որպես ցուցահանդես մի խումբ ֆրանսիացի եւ շվեյցարացի տեսողական արվեստագետների կողմից՝ դառնալով շրջիկ ցուցահանդեսի առաջին փուլը: Նախագծի երկրորդ փուլը կներառի արվեստագետների ավելի մեծ խմբի ցուցահանդեսը Շվեյցարիայում, որոնց թվում կլինեն արվեստագետներ Հայաստանից:
Ցուցահանդեսը կանդրադառնա մարդկանց միջև հաղորդակցությանը եւ կփորձի բազմազանություն հաղորդել տերմինին: Նրա նպատակը կլինի քաջալերել փոխազդեցությունը արվեստագետների միջև, տարբեր մշակութային տարածաշրջանների միջև, բայց հատկապես հանրության հետ:
Ներկայացված աշխատանքները հիմնականում ինտերակտիվ են, եւ այցելուների մասնակցությունը մեծապես խրախուսվում է: Ցուցադրության ընթացքում կներկայացվեն պերֆորմանսները եւ ինստալացիաները, ինչպես նաեւ տեղում ստեղծված համատեղ նախագծեր: Աշխատանքները կզարգանան մինչեւ հանդիսության վերջը եւ առիթ կտան մարդկանց՝ փոխազդելու արվեստագետների, նրանց աշխատանքների հետ, ինչպես նաեւ հետեւելու ցուցահանդեսի զարգացմանը:
Շրջիկ ցուցահանդեսը կսկսվի Հայաստանում, ապա կտեղափոխվի Շվեյցարիա եւ, հնարավոր է, այլ վայրեր՝ միշտ նպատակ ունենալով ստեղծել կապեր տեղի համայնքների և արվեստագետների հետ արվեստագիտական պրակտիկաների միջոցով: