''Записки Марии Волконской'' կամերային մոնոօպերա

Հայաստանի հնագույն երաժշտության «Տաղարան» անսամբլը մարտի 27- ին պատրաստվում է իրականացնել Մարիա Վոլկոնսկայայի ''Записки Марии Волконской'' հուշագրության հիման վրա գրված կոմպոզիտոր Էդուարդ Սադոյանի մոնոօպերայի բեմականացումը: Բոլոր ժամանակներում էլ, ինչպես հայտնի է, ազատամիտ գաղափարները եղել են մարդկության, մարդկային իրավունքների ու դրանց դրսևորումների լոկոմոտիվը: Այս առումով տեղին է հիշատակել դեկաբրիստների դերն ու նշանակությունը Ռուսական կայսրության պատմության տվյալ ժամանակահատվածում, որպես ռուս առաջավոր մտավորականության ազատախոհության լավագույն օրինակներ: Մարիա Վոլկոնսկայայի ''Записки Марии Волконской'' հուշապատումը այդ ժամանակահատվածի համայնապատկերի հետաքրքիր էջէրից է, ուր հեղինակը հառնում է մեր առջև որպես իր դեկաբրիստ ամուսնու նվիրական զինակից ու մանավանդ, որպես անվերապահորեն իր սիրելի ամուսնու ճակատագիրը անձնազոհությամբ կիսող կին, երեխաների մայր: Մեր պատկերացմամբ, նախևառաջ իր գեղարվեստական ներուժի շնորհիվ, մոնոօպերայի բեմականացումը կնպաստի մարդու մեծագույն արժեքի՝ ազատախոհության պատմական էքսկուրսին, որպես դրան հասնելու կնոջական անձնազոհության վառ օրինակ: Կարծում ենք նաև որ սույն մոնոօպերայի բեմականցմամբ հայ- ռուս ժողովուրդների դարավոր բարեկամության կամուրջին կավելացնենք ևս մի սանդղակ:
Տոմսերի արժեքը` 1000, 1500, 2000 դրամ: