Արկադի Դումիկյանը մեգաաստղ է։ Արամը՝ սովորական դերասան, ով նրան մեկին մեկ նմանակելու բացառիկ տաղանդ ունի։ Ֆինանսական խնդիրների մեջ հայտնված երեք ընկերները՝ պրոդյուսեր Լևոնը և make up արտիստ Գոհարը, որոշում են Արամի տաղանդը վերածել «շոու» բիզնեսի՝ ստեղծելով Դումիկյանի կատարյալ կրկնօրինակը։ Խնդիրն այն է, որ իրական Դումիկյանը ոչինչ չգիտի այդ մասին։

Սա պատմություն է սիրո, ազատության և այն ծանր գնի մասին, որը մարդը վճարում է իր սխալների համար։ Մի ճակատագրական գիշեր շրջում է Մարկի կյանքը գլխիվայր։ Հարուստ գործարարի որդին, փորձելով խուսափել պատժից, հայտնվում է մի խորհրդավոր վայրում, որտեղ իրականն ու երևակայականը դժվար է տարբերել։ Այդ անծանոթ աշխարհում նա հանդիպում է Սալլիին՝ մի աղջկա, որի գոյության մասին բոլորը վաղուց լռել են։ Նրանց միասին սկսած փախուստը վերածվում է ոչ միայն ազատության որոնման, այլև ներքին պայքարի․ Մարկը ստիպված է առերեսվել իր մեղքի, վախերի և այն հարցի հետ, թե ինչն է իրականում արժեքավոր մարդու կյանքում։

«Ուրվականը մեր միջև» ֆիլմի ցուցադրությունները մեկնարկել են: Սեր, ավանդապաշտ ծնողներ, 19-րդ դարի համառ ուրվական և անսպառ ծիծաղ․ տարվա ամենասպասված հայկական կատակերգությունն արդեն մեծ էկրանին է։ Տոմսերն արդեն Tomsarkgh.am-ում են․ ընտրի՛ր սեանսը և վայելի՛ր ֆիլմը: Արմենն ու Արևիկը գնում են իրենց երազանքի առանձնատունը նոր կյանք սկսելու և սեփական բիզնեսը հիմնելու համար։ Բայց պարզվում է, որ տան իրական տերը դեռ չի պատրաստվում լքել այն։ Իսկ երբ պատմությանը միանում են նաև Արմենի ավանդապաշտ ծնողները, սկսվում է մի պատերազմ, որտեղ վտանգված են և՛ սերը, և՛ երազանքը։

«Մի Գդալ Սեր» ֆիլմի հիմքում գերմանացի հեղինակ Փոփի Ջ. Անդերսոնի «Կրքի բաղադրատոմս» վեպն է։ Պատմության կենտրոնում լրագրող է, որի կյանքը անսպասելի շրջադարձ է ստանում, երբ հանգամանքները նրան բերում են խոհարարական աշխարհ և նա սկսում է ղեկավարել խոհանոցը։ Գրական տարբերակում հերոսն արդեն Բոստոնում ունի իր սեփական խոհանոցը և պատրաստվում է նոր փուլ սկսել իր կարիերայում։ Նա աշխատում է գրքի հրատարակման վրա և միաժամանակ ծրագրում է սեփական հեռուստաշոուի մեկնարկը։ Սակայն մասնագիտական հաջողությունների ճանապարհին նրան սպասում են նաև անձնական փորձություններ, որոնք կարող են ամբողջությամբ փոխել նրա կյանքը։ Տարիքը՝ 15 +

Աննան հաջողակ հարսանիքների կազմակերպիչ է, սակայն սեփական կյանքում ամեն ինչ հեռու է իդեալական լինելուց։ Հիվանդ տատիկին ուրախացնելու համար նա գործընկերոջը ներկայացնում է որպես իր փեսացու, իսկ պատահական ուղեկիցներին՝ որպես ապագա խնամիներ։ Թվում է՝ փոքրիկ խաբեությունը շուտով կավարտվի, բայց ամեն ինչ գլխիվայր շրջվում է, երբ խաղի մեջ են մտնում ուրիշների ունեցվածքի որսորդները, ընտանեկան վաղեմի գաղտնիքներն ու անսպասելի իրադարձությունները։ Այժմ Աննան ստիպված է ոչ միայն փրկել իրավիճակը, այլև հասկանալ, թե այս խենթ պատմության մեջ ում կարող է իսկապես վստահել: Տևողություն՝ 77 րոպե

«Փոքր Մհեր»՝ հայկական առաջին AI լիամետրաժ մուլտֆիլմը, դիտե՛ք հունիսի 1-ից՝ Հայաստանի բոլոր կինոթատրոններում։ Էքսկուրսիա, որը փոխում է պատմության ընթացքը։ Երբ երկու աշակերտ պատահաբար բացում են Ագռավաքարի դուռը, Փոքր Մհերը հայտնվում է մեր օրերում։ Երեխաների օգնությամբ էպոսի հերոսը պետք է վերագտնի իր ուժը մի աշխարհում, որտեղ տեխնոլոգիաներն ավելի զորեղ են, քան իր սուրը։ Արդյո՞ք Մհերը կորոշի վերադառնալ Ագռավաքար, թե՞ մնալ մեզ հետ… Հունիսի 1-ից սպասում ենք բոլորիդ՝ միասին բացահայտելու «Փոքր Մհերի» արկածային գաղտնիքը մեծ էկրանին։ ©️2026 | 485.center | Գեներատիվ տեխնոլոգիաների կենտրոն _________________________________________________________ Mher Junior | 2026 Adventure Comedy When two schoolkids accidentally open an ancient stone door, the legendary hero Mher steps out of myth and into the modern world. With his new friends at his side, he must reclaim his fading strength in a world where a smartphone is stronger than a sword. Will he return to his mountain, or has he found a reason to stay? Starting June 1, we invite everyone to discover the adventurous mystery of Mher Junior on the big screen. ©️ 2026 | 485.center | Center for Generative Technologies

Մի խումբ ընկերներ, տարբեր պատճառներով ուղևորվելով Դուբայ, պատահաբար հայտնվում են նույն չվերթում։ Անսպասելի շրջադարձը նրանց տանում է հեռավոր անտառ, որտեղ նրանք ստիպված են միասին դիմակայել քաոսային ու խենթ արկածի։

Թունելից 13 կմ հեռավորության վրա» հոգեբանական թրիլեր է առաջին կուրսի մի խումբ ուսանողների մասին, որոնք հայտնվում են Լուռագարակ գյուղում։ Սովորական թվացող այցը արագ վերածվում է մղձավանջի, երբ գյուղում սկսում են տեղի ունենալ խորհրդավոր մահեր։