Ռոմանտիկ կինոկատակերգություն
Գրիգորը կատակասեր երիտասարդ է հրաշալի լրագրող լինելու բոլոր նախադրյալներով, սակայն կա մի խնդիր՝ մեր հերոսը ամեն ինչում միշտ մեղադրում է ուրիշներին, հանգամանքներին, «վերևներին»՝ խուսափելով ցանկացած պատասխանատվությունից։ Ամեն ինչ փոխվում է, երբ մի օր նա արթնանում է Հայաստանի Նախագահի պաշտոնում և ստանում ամեն ինչ իր ուզածով փոխելու հնարավորություն: Ամենաանհավանական որոշումներ կայացնելուց և խենթ գաղափարներ իրագործելուց բացի՝ Գրիգորը պետք է կրկին գրավի սիրելիի սիրտը և բացահայտի սարսափելի դավադրություն։
Ֆիլմը պատմում է դասական մի երիտասարդական նվագախմբի մասին, որը կորցնելով իր մեկենասին՝ հովանավորին, հայտնվում է ծանր կացության մեջ ու պարզվում է, որ նվագախումբը այլևս չի կարող գոյություն ունենալ: Գլխավոր հերոսը՝ կլարնետիստը, փորձում է փրկել իրավիճակը և ողջ պատմությունը սկիզբ է առնում հենց այստեղից: Ֆիլմը պատմում է, թե ինչպես է երիտասարդ վիրտուոզը ճանապարհ գտնում նվագախումբը պահելու համար:
Դավիթը 24 տարեկան նկարիչ է, նա փորձառու է ծանոթություններ ու սիրային հարաբերություններ հաստատելու գործում: Շփվում է տարբեր աղջիկների հետ, որոնցից է նաև բնորդուհի Մարիան, ում և սիրահարվում է: Մարիան, հասկանալով ում հետ գործ ունի, մերժում է Դավիթի սերը: Մերժված սիրո պատճառած ցավը հերոսին հիշեցնում է անցյալում իր կորցրած սերը՝ Անահիտին: Դավիթը Մարիային չկորցնելու համար պայքարում է հիշողության դեմ, չի տրվում աղջիկների գայթակղությանը, մշակում է ծրագիր, որն իրագործելու համար նրանից պահանջվում է 4 տարի ու մեկուսացված կյանք:
Բացառիկ ցուցադրություններ
Երկու երիտասարդներ որոշում են առևանգել մի օլիգարխի՝ 8 տարեկան որդուն և հորից փրկագին պահանջել: Սակայն տղան իսկական չարիք է դառնում նրանց գլխին:
Սցենարը գրված է Օ՛ Հենրիի "Կարմրամորթ առաջնորդը" պատմվածքի մոտիվներով:
