Կինոչորեքշաբթի. «Վարդգես Սուրենյանցի ղրիմյան էսքիզները»

Սեպտեմբերի 2-ին` ժամը 19:00-ին Նարեկացի Արվեստի Միությունը և «Ջավախք» բարեգործական հիմնադրամը սիրով հրավիրում են ներկա գտնվելու ռեժիսոր Յուրիկ Կարապետյանի՝ «Վարդգես Սուրենյանցի ղրիմյան էսքիզները» փաստավավերագրական ֆիլմի ցուցադրությանը:
Ռեժիսորի խոսքերով ֆիլմը մտահղացել է դեռ դպրոցական տարիներից՝ ընկերների հետ Հայաստանի պետական պատկերասրահ այցելելուց և Սուրենյանցի կտավները տեսնելուց հետո: Եվ ահա իր կյանքի մայրամուտին էլ, համարձակվում է նկարահանել իր երազած կինոնկարը և հանձնել հանդիսատեսի դատին:
Լրագրող, սցենարիստ և ռեժիսոր Յուրիկ Կարապետյանը ծնվել է 1935 թվականին Գյումրիում: Սովորել է Երևանի պետական համալսարանում: Նա իր գրած սցենարներով նկարահանել է՝ «Աստղերի դեսպանը», «Ակադեմիկոս Արմեն Թախթաջյանի գարնանային ծաղիկները», «Մեր թանկագին բարեկամ Նանսենը» և մի շարք այլ փաստավավերագրական ֆիլմեր:
Վարդգես Սուրենյանցը ծնվել է 1860 թվականին Ախալցխայում ։Կրթությունը ստացել է Մոսկվայի Լազարյան ճեմարանում: Նրա հայտնի գործերից են՝ «Ոտնահարված սրբություն», «Ջարդերից հետո» և այլ կտավներ: Սուրենյանցը նկարազարդել է Ալեքսանդր Պուշկինի «Բախչիսարայի շատրվան» պոեմը: Իր կյանքի վերջին տարիներին հեղինակել է Յալթայի հայոց եկեղեցու որմնանկարները, որոնք ցավոք մնում են անավարտ:
Բաց մի թողեք այս հնարավորությունը ևս մեկ անգամ ներկա գտնվելու և բացահայտելու մեծ արվեստագետին՝ Վարդգես Սուրենյանցին:
Մուտքն ազատ է: