Կինոդիտում. Երիտասարդություն/ Movie screening: Youth

Դեկտեմբերի 6-ին՝ ժամը 19:00-ին, հրավիրում ենք ԷՕՆ՝ դիտելու Պաոլո Սորրենտինոյի երկար սպասված «Երիտասարդություն» ֆիլմը՝ տաղանդավոր Մայքլ Քեյնի, Հարվի Քեյթլի և Ռեյչլ Վայսի գլխավոր դերակատարությամբ:
Հանրահայտ կոմպոզիտոր և դիրիժոր Ֆրեդը, չնայած Անգլիայի թագուհու հրավերին, հրաժարվում է ելույթ ունենալ արքայազն Ֆիլիպի ծննդյան տոնակատարության ժամանակ, քանի որ ունի լուրջ պատճառներ: Իսկ օսկարակիր ռեժիսոր Միկը քրտնաջան աշխատում է իր նոր սցենարի վրա, բայց գործն առաջ չի ընթանում:
Կես դար է, ինչ Ֆրեդն ու Միկը ընկերներ են: Այս ամառը նրանք անցկացնում են ալպիական հանգստավայրում, որտեղ արդեն հասուն երեխաների սիրային խնդիրները և անցյալի բացահայտումներն ընդմիշտ կփոխեն իրենց ճակատագիրը:
Տևողությունը՝ 118 րոպե
Լեզուն՝ ներկաների ընտրությամբ
Մուտքը՝ 1000 դրամ (ներառյալ թեյ, սուրճ և քաղցրավենիք):