Սանտայի տուն - Santa's House

Երբևէ մտածե՞լ եք, թե որտեղ է ապրում Սանտան: Մենք գտել ենք այդ և բազմաթիվ այլ հարցերի պատասխանները: Սանտան թաքնվում է Yerevan Mall-ում, բայց թե որտեղ, դեռ գաղտնիք է: Գաղտնիքը կբացենք դեկտեմբերի 5-ին` ժամը 18:00-ին:
Ձեզ կդիմավորեն Սանտայի էլֆերը, կուղեկցեն ներս, թույլ կտան գաղտնի հետևել Սանտային, ինչպես նաև մասնակցել մեր բարի աջակից Dzmeruk-ի տարբեր միջոցառումներին և ինքնուրույն պատրաստել Ամանորյա հրաշք Սանտայի խաղալիքների գործարանում:
Եվ, ամենակարևորը, ամբողջ հասույթը կուղղվի «Բարի մամայի» նպատակների իրականացմանը՝ հաշմանդամության պատճառով լքված և մանկատանն ապրող առողջական խնդիրներով փոքրիկների կարիքներին:
Բազմաթիվ անակնկալներ, նորանոր նվերներ, ինչպես նաև բացառիկ հնարավորություն, որը ընձեռնել է մեր բարի գործընկեր Yerevan Mall-ը՝ գնել ևս մեկ նվեր մանկատան և հաշմանդամ բալիկին, գցել այն տոնածառի մոտ դրված արկղի մեջ կամ հանգանակություն կատարել բարի նպատակների համար:
Դարձեք Ամանորյա հեքիաթի մի մաս, միացեք «Բարի մամայի» ամենամյա նախագծին: