Դիմա Բիլան և Եվգենի Պլյուշչենկո. «Սառույցի թագավորներ»

Դիմա Բիլանի համերգը մոլորակի թիվ մեկ սառցե շոուի շրջանականերում: Մարտի 5-ին Երևանի Մարզահամերգային համալիրում կկայանա «Սառույցի թագավորները» սառցե շոուն:
FORPOSTART-ը ներկայացնում է մոլորակի լավագույն սառցե շոուն, որը պարզապես չի կարելի բաց թողնել: Միմիայն չեմպիոններ, միմիայն համաշխարհային գեղասահքի սերուցքը: Անհավանական ցատկեր և նեցուկներ: Լույսի, ձայնի և աստղերի հեքիաթային և շլափայլ բեմադրություն Կ. Դեմիրճյանի անվան մարզահամերգային համալիրի սառցե բեմում: Խորհուրդ է տրվում ներկայացումը դիտել ընտանյոք հանդերձ:
«Սառույցի արքաները» աննախադեպ շոու է՝ Օլիմպիական չեմպիոնների, աշխարհի և Եվրոպայի առաջնությունների մրցանակակիրների մասնակցությամբ: Նախագիծը միավորել է տարբեր ուղղությունների ամենաբարձրակարգ պորֆեսիոնալ գեղասահորդների, ովքեր համաշխարհային հռչակ են ձեռք բերել: Շոուի գլխավոր ներշնչողի՝ Եվգենի Պլյուշչենկոյի համար մասնակիցների ընտրության չափանիշները եղել են սպորտսմենների տեխնիկական բարձր մակարդակը և արտիստիզմը: Պլյուշչենկոն հրավիրել է լավագույններից լավագույններին, սառցե աշխարհի իր ընկերներին և գործընկերներին: Օլիմպիական չեմպիոնների դասական կատարումների և էքստրեմալ գեղասահորդների անսովոր կատարումների բնահատուկ համադրումը, անկասկած, կհետաքրքրեն ինչպես գեղասահքի ավանդական դպրոցի երկրպագուներին, այնպես էլ՝ վտանգավոր հնարքների, տեսարժանության և նոր տպավորությունների սիրահարներին: Ներկաները ականատես կլինեն համաշխարհային սառցե շոուների հանրահայտ պրոդյուսեր Արի Զաքարյանի կողմից հատուկ հայ հանդիսատեսի համար ստեղծված ներկայացմանը:
2,5 ժամ անընդմեջ ներկաները ականատես կլինեն ոչ միայն սառույցի վրա պրոֆեսիոնալների հիասքանչ կատարումներին, այլև գեղասահորդ-ակրոբատների ֆանտաստիկ համարներին: Սառույցի վրա կատարած նրանց հնարքները գրանցվել են Գինեսի ռեկորդների գրքում: Սառցե ակրոբատ Սերգեյ Յակիմենկոն կցուցադրի իր՝
չմուշկներով ցատկը սառցե բեմի վրա կայանված ավտոմեքենայի վրայով: Սառցե բեմի արքա Եվգենի Պլյուշչենկոն, ով հիացնում և կախարդում է հանդիսականին իր բացառիկ արհեստավարժությամբ և փայլուն վարպետությամբ, կրկին կփայլի շոուի հատուկ հյուրի՝ էստրադային ջութակահար, երգահան, պրոդյուսեր, դերասան, «Ս.Ս. Պրոկոֆևի անվան ռուսական սիմֆոնիկ նվագախումբ» արվեստների միջազգային կենտրոնի մենակատար, մանկապատանեկան գեղարվեստական ստեղծագործության «Բաց Եվրոպա» Մոսկովյան II միջազգային փառատոն-մրցույթի և «Երկրի հարստությունը» (2008) նախագծի գրան-պրի մրցանակակիր Էդգար Հակոբյանի նվագակցությամբ:
Նախագծի հատուկ հյուրն է սիրված երգիչ Հայկոն, ով 2007 թվականին ներկայացրեց Հայաստանը Եվրատեսիլ մրցույթում՝ իր հեղինակած Anytime you need երգով: Մասնակիցների բարձր պրոֆեսիոնալիզմը, գեղեցկագույն երաժշտական նվագակցումը, ինչպես նաև հատուկ լուսային և ձայնային լուծումները իսկական նվեր կլինեն այս դիտարժան սպորտի սիրահարների համար:

Շոուին մասնակցում են .
Եվգենի Պլյուշչենկո (Ռուսաստան) – օլիմպիական կրկնակի չեմպիոն, օլիմպիական
խաղերի կրկնակի արծաթե մեդալակիր, աշխարհի եռակի չեմպիոն, Եվրոպայի յոթակի
չեմպիոն, Գրան-պրի քառակի մրցանակակիր, Ռուսաստանի տասնակի չեմպիոն
Բրիան Ժուբեր (Ֆրանսիա) – աշխարհի չեմպիոն, Եվրոպայի եռակի չեմպիոն, Գրան պրի
մրցանակակիր և Ֆրանսիայի ութակի չեմպիոն
Սերգեյ Յակիմենկո (Ռուսաստան) – աշխարհում միակ ակրոբատ գեղասահորդը, ում
գլխապտույտ հնարքները սառույցի վրա գրանցվել են Գինեսի ռեկորդների գրքում
Իրինա Սլուցկայա (Ռուսաստան) – Օլիմպիական խաղերի արծաթե և բրոնզե մեդալակիր,
աշխարհի կրկնակի չեմպիոն, գեղասահքի պատմության մեջ առաջին մենակատար -
Եվրոպայի յոթակի չեմպիոն, գեղասահքի համաշխարհային Գրան-պրի շարքի
եզրափակիչների՝ աշխարհում առաջին մենակատար-քառակի հաղթող:

Սահադաշտ դուրս կգան նաև գեղասահորդներ Թոմաշ Վերները, Ջեյսոն Գրատցը, Հակոբ Մանուկյանը, Այդաս Ռեկլիսը, աշխարհահռչակ պարող Գև Մանուկյանը, ակրոբատ զույգեր, մարմնամարզիկներ, գեղասահքի և ժամանակակից տեխնոլոգիաների համադրմամբ հանդես եկող բալետի խումբը, ովքեր հմայում են առանց ապահովագրության կատարվող իրենց հնարքներով, և այլ հայտնի գեղասահորդներ: Ընդամենը շոում հանդես կգան 20-ի ավելի գեղասահորդներ: Հանդիսատեսը սրտի թրթիռով կհետևի սառցե ակրոբատների խելահեղ և ապշեցուցիչ ցատկերին, սառցե բեմի վերևում կատարվող ֆանտաստիկ թռիչքներին, ձեռնածուի տպավորիչ հնարքներին և սառույցի վրա իսկական կրակի հետ տեղի ունեցող պայքարին: «Սառույցի արքաները» շլացուցիչ շոուն անմոռանալի տպավորություններ կթողնի գեղասահքի սիրահարների շրջանում:

Հատուկ այն հանդիսականների համար, ովքեր կցանկանան վայելել Շոուն առավելագույն հարմարավետությամբ, առաջարկում ենք նստատեղեր "Golden Ice Parter" VIP պարտերում: Դրանք տեղակայված կլինեն անմիջապես սառույցի վրա (հատուկ ծածկի վրա)՝ բեմասպարեզի անմիջական հարևանությամբ այնպես, որ Շոուն ամբողջությամբ կծավալվի ձեզանից բառացիորեն ընդամենը մի քանի սանտիմետր հեռավորության վրա: Սա բացառիկ հնարավորություն է հայտնվել նույն հարթակում մոլորակի ամենաանվանի գեղասահորդների հետ և զգալ քեզ Օլիմպիական չեմպիոն:
Նվիրեք անմոռանալի տպավորություններ ձեզ և ձեր մտերիմներին:
"Golden Ice Parter" – 50 0000 - VIP պարտերի տոմսերի արժեքի մեջ մտնում են.
-կարմիր գորգով առանձին մուտք՝ ընդհանուր մուտքից անջատ
- շոուի մասնակիցների ստորագրություններով գունեղ ազդագիր:

Տոմսերի արժեքը՝ 6000, 10000, 15000, 20000, 25000, 30000, VIP 50000 դր: