Loft Out. Ղալթաղչի Սուրբ Հովհաննես

Այս կիրակի՝ սեպտեմբերի 4ին, #LoftOut-ը կազմակերպում է ուխտագնացություն դեպի Ղալթաղչի Սուրբ Հովհաննես մատուռ։
Կմասնակցենք քայլարշավի՝ 2 ժամ տևողությամբ։
Անհրաժեշտ պարագաներ․
-արևապաշտպան հագուստ
-ջուր
-թեթև սնունդ
Երևանից մեկնելու ենք ժամը 09։00-ին։ Մասնակցության արժեքը՝ 3500 դրամ։
Հարթագյուղ․ գյուղ Հայաստանի Լոռու մարզում։ Գյուղը նախկինում Ղալթախչի անվան տակ ընդգրկված է եղել Երևանի նահանգի Ալեքսանդրապոլի գավառում, հետո նաև Լենինականի գավառում։ Գյուղում է գտնվում «Սուրբ Նարեկ» եկեղեցին (19-րդ դար), իսկ 1 կմ արևելք՝ Սուրբ Հովհաննես մատուռը։ Սուրբ Հովհաննես մատուռը Հարթագյուղի սրբատեղին է։ Այն գտնվում է գյուղի մերձակա լեռան կատարին՝ Փամբակի լեռնաշղթայի անմատչելի բարձունքներից մեկի վրա։ 10-12 դդ. շինություն է: Այս մատուռը ժողովրդին հայտնի է իր հրաշագործ զորությամբ: Բազմաթիվ ընտանիքներ ուխտագնացություն են կատարել և զավակ խնդրել տեղի համանուն Սուրբից: Ի պատասխան շնորհակալության` նրանք իրենց լուման են ներդրել մատուռի բակը գեղեցկացնելուն և խաչքար են տեղադրել:
Գյուղի և մատուռի մասին ինֆորմացիան տրամադրել է Սողոմոն Մաթևոսյանը։