Ամանորյա տոնավաճառ ԷՕՆում

ԷՕՆցինե~ր,
Իսկ Դուք գիտե՞ք, որ տարվա ամենագունեղ ու ամենապայծառ միջոցառմանը հաշված օրեր են մնացել: Դեկտեմբերի 25-ին` ժամը 12:00-ից մինչև 20:00, ԷՕՆը սիրով հրավիրում է բոլորին միասին ամփոփելու աշխույժ կապիկի տարին ու մասնակցելու ԷՕՆի այս տարվա տոնավաճառին:
Յուրօրինակ ձեռագործ զարդեր, հուշանվերներ, գեղեցիկ ամանորյա մոմեր և բնակարանն ու տոնածառը հեքիաթի վերածելու համար անհրաժեշտ զարդարանքի պարագաներ: Էլ ի՞նչ է պետք Ձեր սիրելիներին ամանորյա անակնկալներ ու նվերներ մատուցելու համար:
Ամբողջ օրվա ընթացքում ԷՕՆում մեր տաղանդաշատ ու շնորհալի վարպետները հետաքրքրասերներին կներկայացնեն ձեռագործ զարդեր պատրաստելու հմտություններն ու կբացահայտեն տարբեր նյութերի հետ աշխատելու որոշ գաղտնիքներ: ԷՕՆցիներն էլ Ձեզ համար կպատրաստեն համեղ գլինթվեյն և ԷՕՆի ֆիրմային կարամելային խնձորը: Այս ջերմ, մտերմիկ ու տոնական միջավայրում Դուք հնարավորություն կունենաք Ձեր և Ձեր սիրելիների համար յուրահատուկ նվերներ ընտրել:
Ցուցահանդեսի մուտքն ԱԶԱՏ Է: Սիրով սպասում ենք բոլորիդ: