"Կոլաժ" վարպետաց-դաս

Հունվարի 19-ին` ժամը 17:00-ին, բոլորիդ սիրով հրավիրում ենք մասնակցելու "Կոլաժ" վարպետաց-դասին, որը տեղի կունենա Աբովյան 41/1 հասցեում գտնվող` Caliente Club & Dance Studio-ում:
Վարպետաց-դասը կազմակերպվում է հատկապես երեխաների համար: Կոլաժիստ Կարինե Վարդանյանը կներկայացնի, թե ինչ է կոլաժը, ինչպիսին են պատրաստման եղանակները, ինչը կարող է կոլաժ պատրաստելու համար որպես նյութ ծառայել եւ այլն: Այնուհետեւ ներկաներին հնարավորություն կտրվի կիրառել ստացած գիտելիքներ եւ ստեղծել իրենց իսկ սեփական կոլաժը: Ովքեր ունեն հեղինակային կոլաժներ, կարող են իրենց հետ բերել, նույնիսկ անհրաժեշտ է, որ բերեն: Ցանկության դեպքում կարող եք բերել ձայնագրիչ կամ նոթատետր ու գրիչ: Խոստանում ենք` հանդիպումն անցնելու է շատ ջերմ, անկաշկանդ մթնոլորտում, իսկ գնալիս ձեզ հետ կտանեք արարելու ցանկություն և ապրած տոնի զգացողություն:
Մեծահասակների համար 1 տոմսի արժեքը կկազմի 2000 դրամ, իսկ 8-14 տարեկան երեխաների համար` 1500 դրամ: Տոմսի արժեքի մեջ կմտնի հյուրասիրություն: