Ատամհատիկ

Հոկտեմբերի 6-ին՝ ժամը 19:00-ին, «Նարեկացի» արվեստի միությունում տեղի կունենա Մարիետա Սահակյանի «Ատամհատիկ» գրքի շնորհանդեսը:
Միջոցառումը կմեկնարկվի գրքի ստեղծման պատմությունն ու հեղինակի ստեղծագործական կյանքը ներկայացնող ելույթներով, որոնց կհաջորդեն երաժշտական կատարումներ:
«Ատամհատիկը» Մարիետա Սահակյանի առաջին բանաստեղծությունների ժողովածուն է՝ նախատեսված նախադպրոցական և ցածր դասարանների երեխաների համար:
Բանաստեղծուհին իր ստեղծագործությունների միջոցով ցանկացել է երեխաների մեջ սերմանել սիրո և հոգատարության զգացում բնության և կենդանական աշխարհի նկատմամբ՝ զետեղելով սեղմ գիտական տվյալներ գրքի հերոսների՝ բզեզների, թռչունների և կենդանիների մասին:

Մարիետա Սահակյանը սովորել է Երևանի Խ. Աբովյանի անվան մանկավարժական ինստիտուտի նկարչության ֆակուլտետում:
2010 թվականից սկսել է գրել պատմվածքներ և բանաստեղծություններ երեխաների և մեծահասակների համար:
Տպագրվել է մի շարք թերթերում և ամսագրերում:
Մուտքն ազատ է: